前幾天, W打來了~ 很久沒見...真的很久了...還約我12月25日聖誕節那晚出來聚, 他有朋友生日, 就是B...其實很久之前已見過他們, 還跟他們去過幾次party...都好丫~ 反正閒著沒事幹...不想節日也是打牌中渡過, 跟J...真的悶透了!
那晚係灣仔唔知邊間bar度飲野...29/F 識左幾個很傻的男孩, 有個叫M仔, 有個叫"東尼"~
那天晚上, 東尼看見他的眼神望著我時, 總是覺得佢古古怪怪似的, 好似好咸濕咁, 仲覺得佢好似想食左我落肚咁~ 哈哈~ 都幾慘成晚比我話佢咸濕, 好好笑~ 不過覺得佢都幾nice~ 佢條眉好粗, 對眼好似"八"咁, 仲有koo牙~ 佢話自己32歲喎...哈..咁大個koo牙都好少見...不過佢問我係咪34歲...激死!!! 而且又有d八卦...同S傾計時佢不斷插咀...而且好多野講...之後佢就不斷同我講野, 又話自己有架電單車, 問我坐過未喎? 車~
飲完野之後都真係有d醉了...但w佢地想食野, 心諗食少少野先都好, 等個人醒醒先..keke~一路行時, 成班一齊行, 無啦啦有條友走來搭住我膊頭行, 行多幾步仲成個頭依偎係我個頭度...頂!!! PK!!! 見w 同 s行到去最前...唉~ 是但唔知叫左個男仔扶佢, 我即刻彈開左...哈~之後回頭望, 自己又行到...嘿!!!
之後就去左唔知邊間野食魚旦粉...M仔 同 東尼都有來, 仲有果幾個唔識的...哎~ 東尼坐係我隔離, 佢自己食完碗野, 走來偷左我粒魚旦食...之後又再偷...我都無話比佢食, 佢個人真係得意...定係飲醉左呀? 之後又用人地落單d紙寫左個e-mail address比我叫我add佢...話時話都唔知張野去左邊...haha^^ 走後...本想要搭的士回家, 點知呢條友一手拖住我, 另一隻手拿了我的包包, 話要送我回家, 車我返屋企~唔係掛...你醉左車我返屋企?? 跟住佢又話搭的士, 下次先車我...嚇死!!
之後佢又拖左我去買煙...等左一陣車...我問佢住邊, 佢話香港仔...無啦啦送我返屋企好怪je~ 佢上車之後個口仲係唔停, 不停咁講...佢話比我知一定要帶安全帶, 因佢有個女仔朋友同月同日生...就係一次交通意外, 令佢殘廢左...好可憐...但我已經好眼訓了...不知不覺...聽下聽下...訓左lu...突然, 我好似覺得佢鍚左我塊臉一下...定係撞左落去呢? 算~ 應該係我會錯意吧~
今天訓醒, 約了舊同事一齊食飯...想出門之際, 收到東尼打來...問我去邊? 又話自己要去上海旅行一個人...心想, 一個人去旅行? 有無搞錯呀?
