16-Jan-2009 與你相識的第21天

昨晚飲完之後回家, 個胃痛左成晚, 訓唔到...想死!
但我仍然有起身返工, 因為得好少病假...請多左要扣錢~ 所以都頂住返左工先~
返到公司, 眼訓到極點...突然收到你傳來skype message...morning~
我同你講我好眼訓~ 你話唔知點解...好似估到我會攰咁...
跟住我同你講其實我係胃痛左成晚, 唔舒服...
你好似好緊張咁, 仲話一陣過黎接我陪我去醫生...但我想lunch time時休息下, 訓一陣可能會好...
你話中午買碗粥過來比我食, 但真係唔洗住...因我真係想訓覺多過食野...thx~
係bor~ 今晚訂左飛睇戲...你話唔睇, 過來接我收工睇醫生...我話但你訂左唔睇唔好...等我休息一陣再看情況...
你同我講 : 戲可以下次先再買飛睇, 梗係你緊要d啦...好擔心! 仲叫我飲多d水 (我個心...突然甜一甜^^)

到左3:00, 你用電話上網同我skype...話想知我仲有無唔舒服~ (實在頂你唔住^^)

到左5:30我準時收工, 落到樓下打比佢...佢已經到左!
之後佢同我去食少少野再車我醫院睇醫生...我地坐係出面等睇醫生時, 佢借左個膊頭比我, 有d肉都幾舒服, 最緊要係暖粒粒咁~ 到我了, 入到睇時, 個醫生好搞笑, 佢同我聽時手震...我睇完笑住出返去, 佢問我點解一見完醫生笑晒, 好返晒咁走出黎...haha^^

睇完之後見自己個人醒醒地, 梗係等去睇戲啦~ 仲有時間, 佢話佢想返home放抵d野喎...
點知, 我坐完佢架電單車吹吹風又唔掂...企係佢home門口等佢時已經好想暈倒咁款...佢見狀便提議我去他家休息一下, 我已經二話不說即刻走入去...之後我食左d藥, 佢叫我訓一陣休息下, 到夠鐘就叫我起身去睇戲...之後佢開住音樂比我訓~
但佢有兩個姪女好嘈! 個口唔停...之後佢出左去同佢地講, 叫佢地唔好嘈, 因為姐姐唔舒服要訓覺...
之後佢兩個姪女不斷重複, 姐姐唔舒服呀? 姐姐唔舒服呀? 姐姐唔舒服呀?....真係唔知好嬲定好笑! 聽著聽著...不知不覺中便訓著~ 到最後, 你還是讓我睡下去沒去看戲!

15-Jan-2009 與你相識的第20天

今日又同你skype~
你昨晚從大陸做完野返香港, 原來你認錯左你個fd把聲以為係我? 所以打比我...唔好意思我聽唔到電話嚮, 所以根本唔知你打過黎~
你仲話仲串左我幾野...真係莫名其妙!? 傻瓜~

跟住你又叫我陪你去睇戲...仲問我今晚定聽晚...我由於今晚是姪仔滿月, 要去食飯~
之後我地大家都confirm左明晚星期五睇, 你仲話想帶我去數碼港睇, 因為好靚, 所以想帶我去...都好~ 因為我未去過~
睇同胞或者赤壁, ok咁我上網訂~

講完之後你又入正題了~
問我點解唔話比你知..鍾唔鍾意你呢隻類型?
大佬呀點答你呀...? 唯有答你都唔知你屬於咩類型?
之後你就問我鐘意咩條件既男仔...
1) 要大個我 / 要高過我
2) 男仔一定要有事業心, 同鍚屋企...因為我覺得鍚屋企人既男人, 應該唔會太差!
3) 咁最緊要梗係鍚我啦, 專一啦! 如果唔專一, 呢個男人幾好都無用啦~right?
之後你問我係唔係照住你黎講...haha~ 真係比你激死! 不過, 我都唔覺得你係衰人ge~
跟住你就開始講你d野...
你話好怕女仔煩同埋太過亂諗野...(因為你要成日係大陸做野), d ex-gf 以前會成日唔理解你做緊d咩, 只係要陪佢地...無諗過以后生活係點...但係作為男人..無論係咪同當時果個女仔以后一齊..都要為以后著想...(好似講得好好咁...), 仲話唔係個個男人, 係大陸做野, 都會亂黎...(你講自己呀!? 都唔知真定假!?)
我問你係唔係拍過好多次拖? 你話唔係, 只係想穏定的..其實好鍚女仔ga...(咁即係個個女仔你都錫啦~ 唉!)
你又話 : 如果你鍾意果個人..你會想佢開心..(好似好感動咁^^)
仲話 : 男人要蝦女仔好易...但係要令到女仔開心...其實好難~ (你真係滿口甜言蜜語~)

14-Jan-2009 與你相識的第19天

昨晚我又同佢出左去食飯...唉, 我真的沒辦法拒絕他...佢個人好主動, 我太被動了...
佢琴晚又帶我到cwb果間bar...我地傾左成晚...佢今日同我講佢同之前個女朋友d野比我知...都真係幾好笑, 但又有d衰...不過也理不得...在聽著的同時, 我心也再想...他一定會問我關於男朋友的事情, 怎麼辦??怎答他呢? 我...要呃佢嗎? 不! 不正面回答就是啦....對, 他真的問我啦...唯有再說之前那個吧~
之後, 佢仲選左個卡位坐...仲教我"聖話"...問我攞隻手拖住我...那時我還不為以...走之後出去拿車, 佢想繼績拖我隻手...我很快的鬆開了...心在想...怎麼辦??你之後問我鍾唔鍾意你呢一類型...haha~ 怎麼答你...就算沒J, 我也不會答, 太直接了..或許...是我太內向? 真不知道?
你可能對於我來說, 太急性, 咁都要了解下先得掛...之後你已即刻同我講, 只要我話唔鍾意, 你就會不再找我...但我只有回答你 : 需了解, 需考慮... 怎麼辦? 你送我回家的途中, 一路上我被那些凍入心的寒風稍稍吹醒了...真的要拒絕你嗎? 可以遲一點嗎? 我...還有他...怎麼開口告訴你...?我要再催促他賣掉房子...給我多一點時間...好嗎?

12-Jan-2009 與你相識的第17天

今日又同佢skype...佢今日係skype無啦啦話好鍚我...以當時的心情聽起來, 實在令我有點甜絲絲...明晚仲約左佢tim...死啦...真係有d控制唔到tim ga...下次要拒絕佢...我未同J解決...唔得...!!!

11-Jan-2009 與你相識的第16天

琴晚同w佢地去左cwb飲野...嘩~ 真係醉得好勁~ 連電話都得打錯既...???
死啦! 佢有咩理由送我返佢屋企ga...
妖~打搞左佢成晚...唔知係咪好樣衰tim ga...唉!
無啦啦點解會打左比佢ga...又成晚無返去, 又無聽電話...搞到J黑晒塊臉...!
我唔係鍾意左佢呀!!! 係就大獲...>.<"

7-Jan-2009 與你相識的第12天

今日依舊都係好清閒...咦!? 開個msn玩下先...又見到佢東尼...
你同我一樣咁得閒...有人陪下我講野好好多...
又話有skype既...咁耐都上唔到? 唔通吹水即刻先開? haha~

我昨晚放工後同左佢去睇戲, 佢仲呃我話買左"梅蘭芳"...開頭心諗呢d戲早知話唔睇...點知原來唔係...真係唔知好嬲定好笑>.<

之後同佢去左灣仔果間野食上海野...嘩~ 佢叫左好多野食...食唔晒~好好笑, 佢又係唔識讀我個名ga...haha^^

食完飯後, 佢車左我去佢屋企附近睇海景...唔通我個樣話比人知我鐘意睇海?佢琴日係海邊唔知係咪想拖我隻手呢? 定係佢想扶我...? 定係我會錯意呢?如果係...咁點算?

2-Jan-2009 與你相識的第7天

今日係2009年第一日返工, 好悶, 無咩做...
到了下午, 咦...你係邊個呀? 東尼? 之後閒聊了起來, 佢話自己係上海返左黎, 又約我去上次識果個M仔度食日本野喎...梗係叫埋呀Sam啦...點知佢個衰婆唔得閒...算啦...反正明天放假, 又有M仔, 唔係單獨就OK al~佢今日話過黎尖沙咀買d野...順便過來接我, 心想...又係電單車...haha~